Home مياه مالحه كل ما يخص سمكة الناجل

كل ما يخص سمكة الناجل

8 second read
0
231

احجز رحلة صيدأوقات صيد الناجل وموسم الناجل:

 

من ناحية الصيد :اما بالجر او بالتسقيط
يمكن صيد الناجل بسهولة بالتوشيح
الناجل بيدخل على اى طعم حى و لكن يوجد سمكة خاصة تدعى البوصيلى يلتهمها الناجل بشراهة
خيط 70 فما فوق رصاصة بلحة السن على نفس الخيط مقاس 1 نرويجى بعد الرصاصة بحوالى 3 متر 
يكثر صيد الناجل فى الكنيسة و الغردقة و حماطة
معلومات عن الناجل
– طرق الصيد و الطعم
– مواعيد و مواسم واماكن الصيد
معلومات عن الناجل
الناجل من اسماك الشعب و هي بتكون عايشه في جحور الشعب و لا
تفارق القاع الا نادرا
و تلتهم الاسماك الصغيرة و القشريات والسرطنات
و تنتشر علي سواحل البحر الاحمر و بشكل اساسي في المنطقة من الغردقة الي شلاتين
و كل ما تنزل جنوب اكثر تلاقي ناجل اكثر
و ايضا موجودة كويس ناحية الكنيسة و شرم الشيخ
طرق الصيد و الطعم
ويمكن اصطياد الناجل اما عن طريق الجر او التسقيط/التوشيح
الجر
بما ان الناجل من اسماك القاع و التي تتغذي بشكل اساسي في القاع لذا فيفضل استخدام الربلات التي تغوص 30 قدم او اكثر
– الربلات التي انصح بها
– Manns 50 ft
– Rapala x Rap 30ft
– Strike Pro 50 ft
ايضا السبحة فعالة جدا مع الناجل و ذلك ايضا لوصولها الي العمق المطلوب و يفضل ان تكون السبحة 5 كيلو و الوش يكون 10 متر
و اما انك تحط معلقة متوسطة او كبيرة او تدكك زرقانة /كناية و ديه نتائجها غالبا احسن من الربلات
و الطريقة الاخيرة في الجلا هي استخدام شبشب الجر مقاس 7 او 8 او 9 علي معلقة او لعفة
و ايضا يراعي ان يكون الوش 10 متر علي الاقل
التسقيط/التوشيح
و افضل النتائج بتكون باستخدام لعفة صاحية زي الباغة او العنبري او الزرقان و تشكها من عينها في الجزءما بين الجفن و العضم من غير ما تخرق عينها
و يفضل استخدام سن كبير نسبيا
و يكون الوش شعر 70 او 80 و طوله علي الاقل متر و فوقه رصاصة صغيرة بلحه
و لو مفيش لعفة صاحية ممكن تستخدم باغة او سردينةكاملة او ماكريل صغير بنفس الطريقة
و هي زي الكشر و التوين في اكلها ، تبلع و تجري علي الشعب فلازم تكون متنبه جيدا و لو لقيتها بتخطف تحاول ترفعها بسرعة اول 5 متر علشان تبعدها عن الشعب
مواعيد و مواسم واماكن الصيد
الموسم من شهر 5 الي 8 و هي ايضا بتتواجد طوال العام و بالنسبة لمواعيد الصيد فالناجل بياكل بشكل اساسي في الصباح و خصوصا في فترة الشروق و ايضا من العصرية للمغربية و لكن فترة الشروق هي الاقوي و الناجل بيكون موجود في الاعماق ما بين 20 الي 50 متر في الاماكن التي تكثر فيها الشعب و الكهوف و المراكب الغرقانة
هو معافرتو جامده اول 5 متر و لازم الواحد يكون واخد باله و ميسبلوش الخيط مرخى لانه دايما بيحرك دماغه يمين و شمال و ممكن السن يفلت منه خصوصا على وش الميه
وقت الصيد :
دائما ما يتحرك الناجل للرعي والأكل صباحاً مبكراً جدا وشخصياً تم صيده سابقاً بعد صلاة الفجر …….وحتى قبيل الظهيرة أي في الساعة ١١ صباحاً
ومعروف أن الناجل يكثر صيده أثناء موسم (الماشي) أي الهجرة والتكاثر وبيكون فالغالب بشهر مارس وأبريل (الماشي) ……. والعوده بعد ذلك تسمى( الراجع) …..
طريقة الصيد :
بعد تجهيز (اللينسة) بخيط (١٠٠) ووش (٨٠) والهوك (السن) رقم (٢) أو (١) …حسب الطعم المستخدم وحجمه …..
وتنزل بالطعم الحي لغاية القاع ولمجرد ماتشعر بلمس أرض البحر (القاع) ….. ترفع بسرعة كبيرة (لعدم التوعير) لمسافة ثلاثة أمتار أو أربعة …..
وتقدر تثبت اللينسة حواليك بأي طريقة مع الحذر من قوة الشدة أحيانا ….وتقدروا تشوفوا مكان اللينسة بتاعتي فين بالسهم الأحمر مع عقده خفيفة للشعور بالشد ……
طريقة الشد والشكم :
طبعاً الناجل معروف بطريقته في الأكل وهي الشفط والبلع المباشر مما يساعد على سرعة الشك وعليه أول ما تشعر بشده قويه …تشكم شكمة قويه للتأكد أن السن أخذ وضعه في فك السمكة …وتقدر وقتها تتعامل معاها ولم الخيط بلا كلل وبدون تسرع لأن في الغالب أسماك (البلع) أسهل في الشك ودخول الهوك بإرتياح في الفك
الطعم الحي المفضل . أبو لولو . بونجز . عنبر 

اسرار لاول مرة تعرض : كيف تصيد الناجل:

 

شرح منطقة الناجل بالجي بي اس والسونار+ صيد ناجل ضخم:

ناجل شرس يهاجم سمكة شعور بنقس:

اشترى ادوات صيداحجز رحلة صيد

 

Load More Related Articles
  • أنواع الخيوط المستخدمه في الصيد

    أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…
  • دراك كنعد

    كل ما يخص سمك الدراك

    معلومات عن سمك الدراك وكيفيه صيدها الدراك arrow barred king mackrel اكبر حجم مسجل لهذه الس…
  • اماكن واوقات الصيد في مصر

    اماكن واوقات الصيد في مصر اولا :نهر النيل ‎تُعد إحدى أصعب وأعقد الرياضات المائية، ليس لأنه…
Load More By hagerabodef
Load More In مياه مالحه

Leave a Reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Check Also

أنواع الخيوط المستخدمه في الصيد

أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…