Home مياه مالحه سمكة المياس blue fish

سمكة المياس blue fish

4 second read
0
72

سمكة المياس blue fish

سمكة بحرية جوالة أو مهاجرة تعيش في البحار و المحيطات في المناطق الإستوائية و المدارية على عمق حتى 200 متر

هي سمكة عنيفة ومفترسة وغالبًا تكون جائعة. وتأكل الأسماك الأصغر، وتسبح في مجموعات مائية قد يبلغ طول المجموعة الواحدة منها عدة كيلومترات. وبسبب طعمها ونكهتها الطيبة، فإنها تُعدُّ صيدًا مربحًا لصناعة الأسماك. ويستمتع الناس برياضة صيد السمكة الزرقاء، حيث تُقاتل بشراسة عند تعلّقُها في خطاف الصنَّارة. وصيدها رياضة رائجة وشائعة في الصيف على امتداد الشاطئ الشرقي للولايات المتحدة.

تعتبر سمكة هامة في رياضة صيد الأسماك و يتم صيدها بواسطة الطعوم الحية و الصناعية .
تتواجد في المياه الإستوائية و المدارية في المحيطات بإستثناء شرق المحيط الهادي في شرق الأطلنطي تتواجد من سواحل البرتغال إلى جنوب أفريقيا مرورا بالبحرالأبيض المتوسط و البحر الأسود و جزر ماديرا و الكناري و في غرب المحيط الأطلنطي من كندا و برمودة حتى سواحل الأرجنتين , وفي المحيط الهندي على طول الساحل الأفريقي الشرقي و مدغشقر و جنوب عمان و جنوب غرب الهند إلى خليج مالاي و غرب أستراليا , وفي جنوب غرب المحيط الهادي و أستراليا ما عدا المناطق الشمالية و نيوزيلاندا , لا تتواجد في شرق و شمال غرب المحيط الهادي .
تتواجد في المحيطات و البحار و المياه الساحلية و شائعة في مياه الشواطيء و رؤوس السواحل الصخرية و المياه النقية ذات التيارات القوية و النشطة و تتواجد أيضا في المياه الرائقة بطيئة الجريان المياه الضحلة الساحلية على عمق 2 متر على الأقل تتجمع في أسراب تطارد الأسماك الصغيرة و خاصة تجمعات البوري أو السردين , و هي تدمر أعداد كبيرة من أسماك هذه الأسراب أكثر من حاجتها للطعام , و تتغذى على الأسماك و القشريات و السبيط و الكاليماري و تشارك أسماك القرش و المفترسات الأخرى في التواجد .
سمكة مفترسة و عدائية جدا وهناك تقارير تفيد بأنها تعض عندما يتعامل معها في بيئتها الطبيعية , وهى متجولة في أغلب اطوار حياتها و تهاجر للمياه الدافئة في الشتاء و المياه الباردة في الصيف .
تعتبرسمكة جيدة لهواة رياضة صيد الأسماك نظرا لأنها سمكة مقاتلة , سمكة طيبة للأكل

طرق صيد :

قبل ما نصطاد المياس لازم تعرف ان المياس من الاسماك اللي بتتغذى على اسماك زيها .
المياس ليه اسنان حادة جدا يعني الشعر العادي ماينفعش معاه لانة ببساطة سنانة عاملة زي الموس
علشان كده بنستخدم سلك صلب 
والسلك ده انا عن نفسي اتعلمت ازاي اعمله بس لو تشترية بيكون اسهل بكتير ومش غالي 
وهو بيبقى عبارة عن سلك مجدول طولة حوالي 20 سم وملحوم فيه سنارة كبيرة بتكون 05 او 04 على حسب ما انت تختار 
حتحتاج كمان بوصة تكون قوية جدا لان مقاومة المياس جامدة 
الشعر اللي حنستخدمة هو الشعر العادي يعني 40 او 50 مش محتاجين شعر جامد لان السمكة مش حتوصلة
الرصاصة متوسطة الوزن

الطعم :

 ممكن تجيب سردين من السوق وتشتغل بيه ولكن انا افضل ان اصطاد بمكة من الموجودة فى المياة
بنضحك على السمكة ونعيشها البيئة الطبيعية 
يعنى اصطاد سمكتين صغيرين اى حاجة شرغوش او مرمار وطعم بيهم

طريقة التطعيم:

يوجد طريقتين :

 السمكة تتعمل شرايح وتدككها في السنارة عادي جدا بس الطريقة دي مش بتخلي الطعم يعيش معاك كتير في المية 
 واعمل حسابك ممكن تقعد جنب البوصة ساعتين تلاتة لغاية ما حاجة تضرب
الطريقة التانية للتطعيم ودي المفضلة عندي وهي انك تصطاد بالسمكة كاملة 
علشان تحط السمكة كاملة يبقى قبل ما تحط السلكة في الشعر لازم تطعم السمكة وطريقتها سهلة جدا
السلكة ليها طرفين الطرف الاول بيكون فيه السنارة والطرف التاني اللي بنركبة في الشعر
احنا بقي حنجيب السمكة اللي حنستخدمها كطعم وندخل الطرف الفاضي من السلكة في فم السمكة وتعدية بالراحة داخل بطن السمكة لغاية ما توصل للفتحة اللي في بطن السمكة وتطلع السلكة منها وتعديها وتخلي الداير بتاع السنارة طالع من فم السمكة وتيجي عند ديل السمكة وتربطة بحتة شعر مع السلكة علشان تبقى محكومة كويس وانت بترمي
 
نصيحة لكل اللي عايز يصطاد مياس لازم تفتح وش الماكينة على الاخر علشان لو السمكة شدت ما تكسرش البوصه 
 
المياس بياكل ويشد ودايما بيجري لجوه يعني لازم تديلة براح في الشعر وسيبه يجري براحتة حيتعب ويقف وزي ما قلنا انه مقاوم عنيد جدا بس لما بيتعب بيسلم فماتحاولش انك تتعافى عليه لاني للاسف بشوف ناس بترمي على المياس وفاكرين ان كل ما تكون السمكة قوية يبقى لازم انت تكون اقوى 
وانا بقولكم ان كل ما كبر حجم السمكة كل ما كان لازم تكون انت ارق والين على السمكة وكل ما قاومت السمكة لازم تضعف قدامها علشان تقدر تطلعها 
 
اول ما تشدك المياسة افتح القلاب بتاع الماكينة وسيب الشعر حر على الاخر تاخد منه زي ما هي عايزة لغاية ما تقف بعد كده تقفل القلاب وترد في السمكة بكل قوتك لان فم المياس قوي جدا فلازم تتاكد ان السنارة غرزت فيها وعيش 

 طريقتين لصيد المياس :-

1- و يتم الصيد من القارب و ذالك باستخدام غزل الصنار وهذا يتكون من شعر رقم 100 او 120 وطولة ممكن 200 او 250 متر, و يتم ربط كل 2 او 3 متر صنارة كبيرة في سلك , وبين كل صنارة والثانية رصاصة ( ثقيل ) ويطعم في كل صنارة سردينة كاملة او نص سردينة ويفرد الشعر في الماء و يترك من الليل الى الصباح .
2- باستخدام البوصة و الماكينة
الشعر المستخدم رقم 40 او 50 بوصة الصيد تكون من نوع ممتاز تتميزبالصلابة , و يتم استخدام صناررقم 1 او 2 باستخدام سلك صلب مخصص لصيد الاسماك ذات الاسنان القوية ,الرصاص متوسط الوزن .
الطعم المستخدم :
الاسماك الصغيرة و يفضل السردين – المرمار–الموز

 

موسم الصيد:

يتواجد المياس طوال العام و لكن يكثر فى فصلي الربيع و الصيف .

 موجود فى الشتاء لكن قليل جدا

انسب الاوقات للصيد:

من الصبح لحد المغرب ومن قبل الفجر الى شروق الشمس وباقى اليوم بتكون ممنعة 

نصيحه :

خلوا بالكم لما تطلعوا المياس وانتو بتسلكوا السنارة لان لا قدر الله لو السمكة قفلت بقها على صباعك ممكن تقطعه

 

Load More Related Articles
  • أنواع الخيوط المستخدمه في الصيد

    أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…
  • دراك كنعد

    كل ما يخص سمك الدراك

    معلومات عن سمك الدراك وكيفيه صيدها الدراك arrow barred king mackrel اكبر حجم مسجل لهذه الس…
  • اماكن واوقات الصيد في مصر

    اماكن واوقات الصيد في مصر اولا :نهر النيل ‎تُعد إحدى أصعب وأعقد الرياضات المائية، ليس لأنه…
Load More By hagerabodef
Load More In مياه مالحه

Leave a Reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Check Also

أنواع الخيوط المستخدمه في الصيد

أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…