Home مياه مالحه تجربة صياد وشرح اماكن صيده فى السخنه

تجربة صياد وشرح اماكن صيده فى السخنه

0 second read
0
579

الصيد فى السخنه

تجربة الصيد فى السخنه

للناس الي بتسال علي السخنة .. دا تقرير من اول طريق السخنة حتي الزعفرانة .. البوست دا اقراه كويس هيعجبك .. تنورو السويس بلدي

طبعا احلي حاجة ممكن تفتح نفسك للصيد في اول اليوم .. انك تلاقي حد تعرفة واقف جمبك في الصيد .. ودا بالنسبالي مش عارف بقي بالنسبة للناس الوضع ايه .. فا عشان كدا انا عملت البوست دا عشان الناس الي بتبتدي صيد او الي مش عارف اماكن الصيد في السخنة لحد الزعفرانة يعرفها .. وهشرح بالتفصيل الوصول للمكان وطريقة الصيد زي ما انا اشتغلت هناك .. وبعدين عايز اقول للناس الي بداري علي شمعتها في مكان عارفه عشان محدش يعرفه ولما الناس تسأله يعمل من بنها وميردش .. الارزاق علي الله ومحدش هياخد رزقك.. .. بسم الله نبدأ ..
اولا .. سقالة السادات ودي بعد شاطئ الانابيب و شاطئ الساداات قريبة من السويس وبعيدة عن طريق القطامية .. شغالة سمك ابيض ( نقط . حفارة . شحيم . خنزيرة . سيجان ) .. وعر ضعيف .. يشترط تصريح . تجربة شخصية
……………………………………………………
ثانياً .. شركة اوشاندرو .. ودي قبل كنتاكي السخنة مدق بعد اليافطة الصفرا سمك ابيض فقط .. ( نقط . حفارة . شحيم . خنزيرة . سيجان . لاشتة ).. يشترط تصريح . تجربة شخصية
……………………………………………………


ثالثاً .. ملفات السخنة 1 .. اول ملف بعد كمين السخنة .. في صخرة علي بعد 4 متر من الشاطئ الصخرة تشيل فردين .. تسقيط تحت الصخرة سمك ابيض + حريد + ملص كبير وصغير خيط 30 سن من 8 ل 11 .. او فلة .. وبالنسبة للتشويح طعم حي وشوح علي قد ما تقدر جوة وربنا الرزاق ب خرمان + كوشر + شعور خيط 50 .سن 1 بلدي .. وللعلم في عياشة طبيعية علي الصخرة سبحان الله .. يفضل النزول علي الصخرة الصبح بدري يعني 5 او 6 صباحا عشان تتجنب العوم بالعدة .. بس لازم تعمل حسابك علي العوم لان البحر بيعلي .. لا يشترط تصريح .. بس يفضل يبقي معاك .. تجربة شخصية
……………………………………………………
رابعاً .. ملفات السخنة 2 .. منطقة الماسورة .. اول ملف بعد قرية الحجاز .. هتلاقي ماسورة كبيرة علي الشمال هتنزل عندها .. ركز معايا بقي في الكلمتين دول .. هتنزل قدام الماسورة هتلاقي صخرة بيضة مستوية .. هترمي قدامها بالظبط .. علي بعد 10 متر ( بعد الوعر بحوالي متر ونص ) وخد بالك ولم بسرعة جدا عشان متوعرش سمك ابيض + حريد وعنبر .. خيط 30 سن من 8 ل 11 .. او فلة .. لا يشترط تصريح .. بس يفضل يبقي معاك .. تجربة شخصية


…………………………………..
خامساً .. ملفات السخنة 4 .. منطقة الماسورة 2 .. بعد الماسورة السابقة ب حوالي 150 متر امام يافطة ماكدونالز بالظبط .. شغل فلة فقط .. وعر شديييييد .. بس سمك ابيض عفر جدا + حريد + كوشر صغير .. خيط 30 سن من 8 ل 11 .. لا يشترط تصريح بس يفضل يبقي موجود
………………………………………………………
سادساً .. ملفات السخنة 3 .. شق الجبل .. منطقة دخول طريق السخنة الجبل بجوار قرية الحياة هيتس .. .. سمك ابيض + حريد + كوشر غير متوفر معلومات عن الوعر او التشويح .. يشترط تصريح . تجربة صديق وجاري ترتيب رحلة للاستكشاف
……………………………………………………
سابعاً .. الزعفرانة .. يافطة الكيلو 25 زعفرانة .. مدق .. نقطة حرس الحدود .. بحر مفتوح .. سمك ابيض عفر + حريد + كوشر + سمك عالي لم يصادفني صراحة .. يفضل متابعة الهوا قبل الطلعة وعر ضعيف .. يشترط تصريح .. تجربة شخصية ..
……………………………………………………
ثامناً .. الزعفرانة .. بجوار نقطة شرطة الزعفرانة .. نقطة حرس حدود .. يوجد سقالة .. سمك ابيض .. يشترط التصريح .. تجربة شخصية ..
واخيرا بالنسبة للغطس .. اغطس في كل ملفات السخنة .. او الزعفرانة .. بصر .. سيريديا .. خيار بحر .. بس لازم الجوانتي وسيخ حديد .. وكوتشي

اشترى ادوات صيداحجز رحلة صيداشترى ادوات صيداحجز رحلة صيد
Load More Related Articles
Load More By admin
Load More In مياه مالحه

Leave a Reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Check Also

الطعم الصناعى وكل ما تريد معرفته عنه واسراره وطرق استعماله

الطعم الصناعى وكل ما تريد معرفته عنه واسراره وطرق استعماله كل شيئ عن الرابلات (أسمائها _أن…