Home مياه مالحه بعض أسماك البحر المتوسط

بعض أسماك البحر المتوسط

0 second read
0
318


1_ الدنيس و له انواع كتير منعرفش ليها اسامي و لكن نعرف اشكالهم
2_ البوري و من انواعه اصفر ودنه و كنابيت و جعابيب و دوبار و صغير اي نوع يسمى جران
3_ القاروس و هو غني عن التعريف
4_ المرجان و هو نوعان بجروه و عضاض
5_ الغذيله و كتير بيعتقدوا انها مرجان و لكن هي نوع من انواع المرجان
6_ الشراغيش و من انواعها البلدي و الرشيدي و العصافير
7_ الملك و هو من فصيله الدنيس و له خطوط بالعرض لونها احمر و له ثلاث شوكات يشبهوا التاج على ظهره و هو من احلى الاسماك على الاطلاق
8_ التيوس و هي تشبه الملك و لكن خطوطها بني و بدون تاج و الفرق في الطعم هيهات
9_ الوقار و انواعه هي الحر او 111 و الحلابيش و الجرادي و القرافص
10_ الاناشي و الصغير منها اسمه شجارا و بياكل الدنيس بشراهه كبيره جدا
11_ الدراكات و الصغير منها اسمه صاروخ و البعض بيسمي الكبير صاروخ برضه و ده على حسب المنطقه
12_ التونه و انواعها هي التونه الزرقاء و الصفراء و الفضيه و سنان الكلب
13_ الكبريت و الكبير منه يسمى ارنط و هو قريب التونه بس من بعيد
14_ البلميطه و برضه هي من فصيله التونه بس من بعيد اوي
15_ الكحله و هي من فصيله الشراغيش بس رديئه لانها رمرامه في اكلها
16_ السبارس و هي برضه شبه الشرغوش بس زعانفها التحتيه صفراء و طعمها احلى من الشراغيش
17_ الحلوف و هو نوعين بلدي و سويسي
18_ الموزه
19_ الظبان و هو شبه الموزه و لكن تميزه نقطه سوداء
20_ اللوت و دي سمكه بتموت في البوري يعني احلى طعم ليها البوري
21_ الشفش و هي شبه اللوت لحد كبير بس عليها نقشه مميزه
22_ المياس سمكه تحفه في الاكل و في صيدها ايضا و تميزها اسنانها الامواس
23_ السكامتشا و هي سمكه عايمه يعني بتعوم على وش الميه
24_ الزنجاريا و هي برضه سمكه عايمه
25_المغازل و منها نوعين حر و بظرميت
26_ موسى و هي سمكة تعيش بالقاع بالقرب من الارض ولون الرمله وعينها الاثنين لأعلي وفمها لأسفل وشكلها دائري
27_ سافوليا و هي بيضاويه عشان في ناس كتير بتخلط بين الموسى و السافوليا
28_البربون و منه انواع كتيرحجاري وطينه و طبعا مفيش حد ميعرفوش
29_ الغزلان و دي سمكه شبه الغزيله بل في ناس كتير بتفتكرها غزيله و بتتباع على انها غزيله كمان
30_ الميرا سمكه شبه البطاطا ولكن زعانفها صفراء
31_ المرمار و ده سمكه لاتعيش الا على الرمل
32_ الغلنفيش
33_النقط و هو شبه الموزه جدا بس منقط
34_ البساريا
35_ السردين
36_ المكرونه و منها نوعان لا يمتان لبعض بصله و لكن جرى العرف ان الاثنان مكرونه
37_ السرب
38_ البطاطا و هي سمكه شهيره جدا و تسمى في البحر الاحمر سيجان
39_ الشخرم سمكه لحمها ناشف جدا
40_ القراض او الارنب و هو شديد السميه وتعتبر عدو الصياد وتعمل مع الموساد
41_ المارينا و ما ادراك ما المارينا و عضتها
42_ الكحايه و هي سمكه شكلها جميل جدا و لكن شوكها حاد جدا
43_ البغبغان و لو اصطدته خلي بالك عشانبيلف رأسه ويعض و لكن عضته غير مؤذيه
44_ الجمل و ده صديق الغطاسين لانه بيمشي معاهم لحد ما يطلعوا من الميه و ذي الندل تقوم ضربه بالبندقيه قبل ما تطلع
45_ الجرجار و هو بيعيش على اراضي الدنيس و طعمه حلو اوي
46_ البلامه ذات الثلاث شوكات الخطيره على الظهر فاحترس من شكتها السامه
47_ المحاريت و من انواعها المحرات الحر و البقره
48_ الفراخ و هي سمكه جميله المنظر و الطعم ايضا
49_ الشيوخ شبه الشخرم
50_ الطرمب و الغالبيه بيقولوا عليه شيوخ برضه بس الشيوخ سمك تاني
51_ الكسكمري
52_ الشاخوره
53_ المرزبان و هو من فصيله البربون و لكن الفرق شاسع بينهم و منه لونين احمر و بني
54_ اللمبوكه او سمكه الحصان
55_ الاشكربو و دي احلى سمكه خلقت للشربه و لكن خلي بالك من شوكها
56_ الجعير او ابو جرنجع و هو لا يأكل و لكن سمعت انهم بيحبوه في اوربا
57_ الخضير و هو لا يأكل
58_ العفاريت و هي لا تأكل لونها اسود و بتعيش في الكهوف و الشقوق عفاريب بقى
59_ ابو العيون و هو سمك له بقعه سوداء في نصفه تظهر على انها عين لخدعه الاسماك
60_ العرايس و هي لا تأكل لنعومه لحمها
61_القرش

Load More Related Articles
  • أنواع الخيوط المستخدمه في الصيد

    أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…
  • دراك كنعد

    كل ما يخص سمك الدراك

    معلومات عن سمك الدراك وكيفيه صيدها الدراك arrow barred king mackrel اكبر حجم مسجل لهذه الس…
  • اماكن واوقات الصيد في مصر

    اماكن واوقات الصيد في مصر اولا :نهر النيل ‎تُعد إحدى أصعب وأعقد الرياضات المائية، ليس لأنه…
Load More By hagerabodef
Load More In مياه مالحه

Leave a Reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Check Also

أنواع الخيوط المستخدمه في الصيد

أنواع الخيوط المستخدمه في الصيد تعددت أنواع الخيوط المستخدمه في الصيد نظرًا لأهميتها القُص…