Home مياه عزبه كاستينج سمكة المياس

سمكة المياس

2 second read
0
0
1,856

بسم الله الرحمن الرحيم

صيد سمكة المياس

للكاتب Mohamed Waheed

المياس سمكة قوية جداً واللي يجرب فرملتها مرة بيدمنها تقريباً..
عندنا في البحر المتوسط “شواطئ إسكندرية” السمك موجود طول السنة تقريباً بس بيكتر جداً وبنبدأ نشتغل عليه في الربيع ولحد اخر الصيف ده اللي هو المياس المهاجر إنما السمك الموجود طول السنة بنسميه مياس وطني..طبعاً المياس سمكة مهاجمة يعني بتتغذى علي السمك اللي موجود في بيئتها..صيد المياس من الشط ليه كذا طريقة زي المخايلة بالرابلات والمعالق والبوبرات وشغل الدم والتسليك والشرحة..
وكل طريقة من دول وليها اساتذتها والمبدعين فيهاا..
سمكة بتحب المية الجامدة اللي فيها تيارات قوية ورغوة وبحر عالي..
بتدخل في الاراضي الخشنة اللي فيهاا وعر والحواجز والبلوكات والصلبان والجزر..
هتحتاج عشان تخايل علي المياس عود كاستنج او عود خفيف يكون عاصي نسبيا وتكون واثق في قدرة تحمله والطول من 3 متر حتي 3.90..ومكنة من4000 لحد 6000 مخصصة للكاستنج..
بنملي المكنة بريد لانه اقوي من الشعر العادي وكمان اخف ومقاومته مع الهوا اقل ..
الشغل باللورز محتاج يكون معاك مجموعة من مقاسات 14 حتي 188 سنتي حسب حجم السمك الموجود في المياه وطبعاً الالوان مهمة جداً لان اللون اللي بتخايل بيه بيتحدد علي عوامل كتير منها لون المياه..
هتحتاج كمان ليدر فلورو كاربون أو مونو لا يقل عن 400 مللي وده بيتحط بين اللور والبريد وبيكون طوله حوالي متر او تلت طول العود وده بيمتص اول ضربة للسمكة و الفلورو كاربون مميز عن المونو انه بيظهر شفاف تحت المياه للسمك فبيخليك مش مكشوف..
هتبدأ تخايل في منطقة انت عارف ان فيهاا سمك مهاجم وده طبعاً بيتعرف عن طريق انك بتشوف قرص في المياه او السمك الصغير بينط علي وش المياه..
طبعا اماكن صيد المياس في اسكندرية الجميع يعلمهاا..
اتمني اكون افدتكم بمعلوماتي القليلة دي..

  • الصيد بالغوص (فيديو)

    قواعد وضوابط الصيد تحت الماء و الغوص الحر صيد الأسماك و الغوص الحر كباقي الرياضات الأخرى ي…
  • موسم صيد القاروص بدايته و نهايته وطرق صيده

    القاروص هو سمك بحري يقترب من السواحل ويدخل المصبات المائية حيث تقل درجة الملوحة القاروص يع…
  • انواع السنار

    ختيار العدة المناسبة لصيد السمك : انواع السنار وكيف يستخدم ولكل سمكه سنارهلاحظت أن كثيرا م…
Load More Related Articles
  • دليل معاملتك مع طاقم مركبك اثناء رحلتك

    نقلا عن اكادمية go Fishing Acadmy كتير مننا بيطلعوا رحلات صيد فى البحر وبيأجروا مراكب وطبع…
  • الصيد بالريم

    الصيد بالريم بقلم الاستاذ / Ehab Mahmoud موضوع النهاردة عن صيد الريم ويعتبر افضل طعم للصيد…
  • طريقة صيد سمك الدنيس

    سمك الدنيس يُعدّ سمك الدنيس (Gilt-head bream) من الأسماك متوسطة الحجم وغالباً ما تكون بطول…
Load More By admin
Load More In كاستينج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

دليل معاملتك مع طاقم مركبك اثناء رحلتك

نقلا عن اكادمية go Fishing Acadmy كتير مننا بيطلعوا رحلات صيد فى البحر وبيأجروا مراكب وطبع…