Home مياه مالحه كاستينج الفرق بين موديلات اللورز

الفرق بين موديلات اللورز

0
0
114

بسم الله الرحمن الرحيم .

كاتب المقالة Radwan Elborhamy 

حنقول الفرق بين موديلات اللورز (hard baits)
Top Water . Popper or pensile bait هو موديل من اللورز بوبر او ربلات عائمه علي سطح الماء لاستهداف السمك العائمم واستخدامه للاماكن الضحله او الاثر هو من الموديلات الناجحه جداااا من وجهه نظري.Floating Minnow .
فكرته ان لو رميت ووقفت عن اللم حيطفو علي وش الميه Suspend minnow .
ان لو رميت اللورز ووقفت عن اللم حيفضل مكانه مبيتحركش لا يطفو ولا يغرق يمسك اخر عمق وصل ليه وانت بتلم .
Sinking minnow . لو رميت اللورز ووقفت عن اللم حينزل لتحت ويغرق ودة ملهوش اي علاقه بحجم الدفه .
Deep diving minnow . دة الموديل الوحيد الي دفته طويله وكل ما انت بتلم بالمكنه هو بيغرق للعمق
Metal jig. وهي الجيجات الي بنستخدمها لاماكن الاعماق . وممكن نستخدم الجيجات بطريقه رأسيه من المركب او بطريقهه افقيه من الشواطئ زي الشور جيجينج وحنتكلم عليه بتوسع .
ممكن تبقي الربله نفس الشكل ونفس الدفه بس يبقي فيها منها موديلات مختلفه Floating او sinkingg . او suspend كل رابلهه وانت بتشتريها بيبقي مكتوب عليها بياناتها . السمك بيشدوا اللون والحركه وصوت البلي الي في اللورز .
اللورز مصنوع من خامات والوان بدرجات طبعا كله علي حسب سعرة فيه الغالي وفيه المتوسط وفيه الرخيص
اهم ما يميز اللورز من حيث جودتها . الوانها الي بتحاكي شكل الاسماك والوانها من حيث انها بتقشر بسرعه ولا لا
واكشنها في الميه يعني حركتها كويسه ولا لا او لو لميت بسرعه عاليه ممكن الربله تقلب علي جنب .
المكن والبوصه . المكن . دلوقتي كل المكن الحديث مصنوع من الجرافييت المقوي او جزيأت الكاربون علشان يديك خفه وبردةة صغرة حجم المكنه بس زودو سرعه لف دوران المكنه الي هو الgear ratio ورلمان بلي زيادة يبقي المكنه المقاس الصغير بنفس سرعه وقوة المكنه المقاس الكبير بالعكس المكن الحديث افضل واخف واقوي من الموديلات القديمه .
البوص . دايما بوص الكاستينج مصنوع من الكاربون مميزاته انه خفيف وقوي بيريح الصياد لو حيطاد وقت طويل ولو انت مثلا عايزز تعمل اكشن باللورز تقدر تعمله بسهوله مثلا لو انت عايز تشتغل بلورز عائم وحبيت تعمل اكشن walk the dog هل تعرف تعمله ببوصه تقيله تكون سيرف استحاله طبعا .
البريد خيط رفيع وقوي حتقدر تملي بيه المكنه الصغير وبردة ممتاز في التشويح حيحدف معاك اللورز الصغيرة الخفيفه علشانن احتكاكه بالهواء مش زي النايلون .
اي مكنه وبوصه ينفع تشوح بيها بالربلات وتاخد سمك مفيش مشكله بس فيه فرق بين واحد بيصطاد بالربلات وبين صيادد الكاستينج الي بيبقي عارف حيلعب مع السمكه ازاي .
عايز تكتسب خبرة في الكاستينج لازم تنوع المرامي الي بتصطاد منها وبالتالي حتنوع في موديلات اللورز متعتمدش علي مرميي واحد اخدت منه سمك .
انا كنت في الاول بشتغل ببوصه عاديه ومكنه عاديه وكنت باخد سمك مفيش مشكله ابداااا بس مع الوقت حبيت اخفف العدةة وانوع في المرامي واستخدم مختلف الموديلات من اللورز علشان ابقي صياد كاستينج بجد .

Load More Related Articles
Load More By admin
Load More In كاستينج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

يخت كوين نور بالغردقة

طول ٢٠ متر عرض ٥ و نص  عدد ٢ غرفه – غرفه ٤ سرير و غرفه ٢ سرير الصالون مكيف  جي بي اس…