Home مياه مالحه كاستينج طريقة صيد الكاليمارى

طريقة صيد الكاليمارى

0
0
1,009

طريقة صيد الكاليمارى البلدى واماكن صيدة

لكلاماااااااااااااااااااااااااااارى
ـــــــــــــــــــــــــــــــــــــــــــ
من امتع الاسماك التى يتم اصتيادها واحلى طعم هى السبيط (البلددددددددى) 
ويتم اصتيادها عن طريق طعمايه تسمى اللباره موضع فى الصور شكلها والالوان المحببه لها وبدايتها ان شاء الله شهر 10 وطريقه صيدها سهله جدا لكن تحتاج الى صبر فى شيئين الاول هو كثره التجريه عليها والثانيه تغير اللباره من وقت الى اخر الى ان يتم مسكها وطبعا بنغيرها من حيث اللون والمقاس
 
ولها طريقتان لصيدها
الاولى / عن طريق ربط اللباره فى شعر المكنه ويتم الرمى والتجريه عليها
برفق حتى يتاح لها رؤيه اللباره ومسكها والطريقه ده لها مميزات وعيوب
مميزاتها انك بتكون على الارض واللباره بتتحرك على الوعر وبتكون الكلمارى
ذات الاحجام الكبيره والسبيط وسط الوعر
عيوبها لو وعرت واكنت الوعرايه عاليه وتملكت من الطعمايه بتضيع
الثانيه/ نضع فله متوسطه فى شعر المكنه ونربط اللباره ونظبط عيار الفله حوالى متر او متر ونص ونرمى ونلم براحه اوى كده بتكون بعيده عن الوعر لكن بعيده عن السبيط والكلامارى الكبيره ممكن ربنا يكرم بس ده بيكون رزق من عند الله فى الاول وبعدين تكون عايمه واثناء اللم على الكلامارى او السبيط نلم براحه اوى لان اللباره حاميه اوى ولو لمنا بسرعه او قرصنا عليها فى اللم اللباره بتجرح جسمها وبتروح بس مش لوحدهااااا كلى اللى فى المكان لان ساعتها بتبخ الحبر بتاعها وكله بيفزع
 
ملحوظه 
وده اتعلمتها من ناس خبره وناس قلين جدا يعرفوها لو اتنين او اكتر بيشتغلو عليها جنب بعض ممكن يساعدو بعد ازاااااااااااااااااااى لو واحد فيهم اخد كلامارى وهو بيلم براحه التانى يرمى جنبه على طول ويلم براحه لان
الكلامارى بتمشى ورا بعضها وبنسبه 90 % حياخد واحده تانيه هو كمان
 
اماكن صيده
تشتهر الكلامارى فى ثلاثه اماكن بالترتيب
( المنتزه و لسان 26 يوليو و استانلى )
 ولكن تتواجد فى اماكن اخرى بالترتيب 
المحروسه و لوران واللسان الثالث وجليم وسيدى جابر واسبورتنج  
ولكن فى هذه الاماكن بها وعر كثير وعاوزه خبره للشغل عليها
ويارب اكون قدرت اوصل المعلومه
ملحوظه
 يجب شحن اللباره قبل استخدامها بالكشاف
 
 
احسن اوقات لصيد الكلمارى الليالى القمريه بيكون موجود فيها بكثره لكن هو موجود طول السنه 
وشحن اللباره بيكون معاك كشاف كويس او اى مصباح تكون الاضاءه بتاعتو عاليه
 ووجهو للرباله وهى بتشحن نفسها لكى تضيئ فى الميه وانت بتجرى بيها


ومن محترف اخر قال لنا عن صيد الكاليمارى
أفضل وقت لصيد الكاليماري بيكون من 7-22 من الشهر العربي وبعد المغربية وقبل الفجر موسم التزاوج من 4-7 وبيبقى شغال برضك كويس جدا من شهر 10-12 وهو بيبقى شغال طول السنة لكن أشده في الشتا، وكمان مع طلوع البحر إلى الجذر وقمة الصيد في الليالي القمرية ودي شفتها بنفسي ليلة 14 كان الشغل على ودنه

 طريقة الصيد بيبقى ببوصة 3.5 -4م ، غماز ورابلة كاليماري على بعد لا يزيد عن 40 سم قبل الصيد توضع الرابلا أمام الكشاف قليلا لتشحن بعض الضوء

لبدايه الصيد يجب اختيار المكان والوقت المناسب ثم الحدف لاقصي مسافه ممكنه ثم يتم اللم ببطء ثم معاوده تكرار العمليه
عند مسك الكاليماري بالرابالا يتم زياده سرعه اللم بحيث عدم اعطاء الفرصه لافلات الكاليماري (مع مراعاة الحساسية في اللم حتى لا ينفث الحبر فيطفش باقي الكاليماري) يجب مراعاه لبس طقم غامق ويفضل تخصيصه لصيد الكاليماري وعند إخراجه يترك قليلا على الشط حتى يخرج من الرابلا وإلا يبخ الحبر ويبهدلك

في حاله افلات الكالياري يتم سحب الرابالا ثم الحدف في نفس المكان او بالقرب منه لالتقاطها مره اخري

ويمكن اصطياده أيضا عن طريق أن نرمي له سمكة بوري صغيرة مربوطه بخيط ونسبها لحد لما يمسك فيها كويس وبعدين نسحب واحدة واحدة وهو بييجي معاها لما يوصل قريب من البر نرمي عليه السالية الملقاف ونطلعة قبل ما يبخ الحبر وذلك عشان لو بخ حبر في الميه الباقين هيهربوا من المكان واحيانا بييجوا 2 او ثلاثة وراء السمكة اللي ماسكة.

يفضل وجود كشاف أو أي نور في المية ويمكن اصطياده من المركب أيضاالكاليمارى بيبقى لونة فى الماية محمر أو بمبى و غالبا بيمشى مجاميع من 2 الى 6 مع بعض

 

Load More Related Articles
Load More By admin
Load More In كاستينج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

اتفرج فيديوعلى طرق slow jigging