Home مياه مالحه كاستينج تدابير المحافظه على اللورز او الربالات من الضياع

تدابير المحافظه على اللورز او الربالات من الضياع

0
0
96

كاتب المقاله / Reda Kandil

مساء الخير عليكم جميعا، عايز اتكلم معاكم النهارده عن حاجه مهمه بمناسبه بدايه موسم الكاستنج وان شاء الله موسم سعيد عليكم ، ازاي اقدر اتجنب ضياع اللور او الربلات وتجنب الخسائر ؟

١- الاماكن الصخريه :
أ-عشان تصتاد في الاماكن الصخريه لازم تكون علي درايه تامه ب الموقع وتقوم ب البحث عن البرك الموجوده بين الوعر وترمي عليها وطبعا ماينفعش ترمي علي الوعر على طول لانك كده اكيد حضيع الرابله.

ب- لازم تستخدم رابلات عايمه (floating). وتاكد تمام انك في حاله استخدام رابله غرقانه او بتغطس (sinking)انك حتوعر والرابله حضيع عشان كده كل واحد لما يشتري رابله جديده ياريت ياخد من وقته ٣ دقايق ويقرأ البيانات المكتوبه عليها ويركز علي موضوع العمق وبتنزل اد ايه تحت الميه وهل هيه ( floating , sinking

٢- العقد او الوصلات سواء كانت من الليدر للرابله او من البريد لليدر :

أ-لازم تكون الرابطات المستخدمه قويه وتم تجربتها واختبارها قبل الاستخدام ويفضل عند ربط الليدر ب السبليت رنج الموجود في الرابله ان تقوم ب بل الليدر قبل الربط عشان الرابطه تكون قويه ولا يكون هناك احتكاك مابين الليدر ممكن يضعف الشعر

ب- بعد ماتصتاد اي سمكه لازم تشيك علي الرابطه وتتاكد انها سليمه ومفيش احتكاك في الشعر ولو لاحظت غير ذللك اقطع الشعر واربط من جديد .

ج-في ناس كتيره لما تيجي تعمل واصله البريد في الليدر لانقوم بقطع الزوائد من الطرفين ولا تستخدام ولاعه لحرق الاطراف( ولا بدمن اخذ الحيطه من المساس ب البريد او الليدر) مما ينتج عن ذللك بعد الرمي لعده مرات والاحتكاك المستمر والمتواصل من الربطه في اخر عقله في بوصه الكاستنج وهيه غالبا ما تكون ضيقه الى اضعاف الرابطه وتفكيكها ومره واحده تلاقي نفسك بترمي الشعر يقطع والرابله تتضيع .

٣-استخدام رابلات غير مناسبه مع اسماك مهاجمه تمتاز ب اسنان حاده :ماينفعش اكون بصتاد في مكان مليان براكوده مثلا واستخدم رابلات صغيره زي ٧ سم و ٩ سم السمك حيقصها وحيبلعها كلها لازم استخدم رابلات طويله ١٨ سم لتقليل الخسائر .

٤- الكاستنج ليلا وعدم دراسه الموقع :

أ-لو حتصتاد في مكان ب الليل وانتى اول مره تروح يبقى عينك علي الميه وتبعد عن اي رغوه او قلبه موجه لانك مش ضامن بدايت الوعر فين .

ب- استخدام رابلات عائمه (فلوتنج) والابتعاد عن استخدام الرابلات الغاطسه(sinking)
حتى ظهور الشمس .

تحياتي للجميع

Load More Related Articles
Load More By admin
  • الفرق بين موديلات اللورز

    بسم الله الرحمن الرحيم . كاتب المقالة Radwan Elborhamy  حنقول الفرق بين موديلات اللورز (ha…
  • أماكن الكاستيج فى الاسكندرية

    بسم الله الرحمن الرحيم . الكاتب / رضوان البرهامى حواجز مارينا كلها . جزر الغرب . العطشه . …
  • طريقة صيد الكاليمارى

    طريقة صيد الكاليمارى البلدى واماكن صيدة لكلاماااااااااااااااااااااااااااارى ــــــــــــــ…
Load More In كاستينج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

يخت كوين نور بالغردقة

طول ٢٠ متر عرض ٥ و نص  عدد ٢ غرفه – غرفه ٤ سرير و غرفه ٢ سرير الصالون مكيف  جي بي اس…