Home مياه مالحه دليل معاملتك مع طاقم مركبك اثناء رحلتك

دليل معاملتك مع طاقم مركبك اثناء رحلتك

9 second read
0
0
269

نقلا عن اكادمية

go Fishing Acadmy

كتير مننا بيطلعوا رحلات صيد فى البحر وبيأجروا مراكب وطبعا بيبقى عليها ريس وبحريه اثناء الرحله ، واكيد معظمنا عارف ان ممكن الريس والبحريه ينجحوا الرحله ويبوظوها، طب ازاى انا بقى كصياد اتعامل مع فريق المركب ده اثناء الرحله واحاول اخليهم يجتهدوا ويطلعوا اللى عندهم كله من جهد فى العمل اثناء رحلتى ؟؟🎣🐟
بص ياسيدى : انا هكلمك بحكم خبرتى مش اكتر والتى تتجاوز ١٠ سنوات فى رحلات الصيد بالمركب فى موضوع التعامل مع الريس والبحريه اثناء الرحله.

🐠اولا : لازم يبقى فى ود ومحبه بينك وبين الطاقم وتعتبر المركب مركبك انت . ازاى ؟؟ اقولك

🐟١- انت وصلت بالميكروباص بالسلامه وعايز تنزل الشنط والايسبوكسات للمركب فتناديهم وتطلب منهم ( تطلب منهم وليس تأمرهم ) انهم يساعدوك وتشتغل معاهم قدر المستطاع وتساعدوا بعض انت وفريقك لانزل المعدات على المركب.

🐟٢- المركب طلعت وانتوا جعانين طبعا ومحسيتوس ان البحاره بيجهزوا الاكل ، فمش تروح ليهم وتامرهم يعملوا الاكل ، تكلمهم مثلا بهزار وتقولهم ايه ياعم انتوا مجعوتوش ولا ايه دا انا بطنىا بتصوصو ، هتلاقيهم يضحكوا ويقوموا فى ثانيه يحضروا الاكل بكل حب وزوق. وكذلك ايضا لاى وجبه او فى حاله طلب مشروب ( ايه ياعم مفيش شويه شاى من ايدك الحلوه دى تظبط دماغنا وتكيفنا عشان نعرف نشتغل ونطلعلكم سمك 😄) ، ويا سلام بقى لو فى وسط اليوم تقوم داخل المطبخ وتبدء تعمل شاى وتسالهم بيشربوا الشاى ازاى وتعملهم معاك ؛؛؛ 🤓 او تجيب رغيف وتعمل ساندوتش جبنه وتطلع بيه للريس ، وتقوله حسيت انك جعان فعملتلك الساندوتش ده على مزاجى . صدقنى هتفرق كتييييير.

🐟٣- عايز البحريه تقطعلك الطعم ، قوم قول للى مسئول فيهم عن كده واطلبها بذوق ( وليس بالامر ) وقولهم ( متشوفولنا شويه طعم حلوين كده على مزاجكم خلونا نجيبلنا سمكتين على زوقكم ولا مش عايزينا نروح بسمك ومندخلش البيت) هتلاقيهم ضحكوا وقاموا جرى يجهزوا الطعم ومش هتلاقى الطعم نقص من قدامك تانى.

🐟٤- وقت الاكل لازم تعزموا عليهم ينزلوا ياكلوا معاكم وخصوصا الريس ( وانا شخصيا فى رحلاتى لازم الريس يكون موجود فى وسطنا على الطرابيظه وصدقونى بتكون قاعده قمه فى الجمال والنقاش حول كل ما يخص الرحله ) ولما تخلصوا اكل وعجبكم لازم تشكروا البحريه وتقولولهم كلمتين كويسين تشجعوهم بيهم.

🐠ثانيا : التعامل مع الريس ؛
ودى بقى مدرسه واتعلمتها من والدى الحقيقه اثناء الرحلات . وهنستعرض اهم نقاط التعامل مع الريس كما يلى :

🐟١- اول متطلع من المرسى وبدأتوا تتحركوا بالمركب ، اطلع فوق اقعد مع الريس وخد وادى معاه فى الكلام حول الصيد فى الايام اللى فاتت وحال السمك وكده وبعد كده فى حالتين:
أ- عارف مكان معين وعايز تروحله فتطلب منه بكل اخويه ( فى مكان كده ياريس عارفه وعايز استاذنك ونوصله وان شاء الله ربنا هيكرمنا منه وانا بتفائل بيه دايما ) هتلاقيه قلك تمام وهيوديك.
ب- انا معرفش اماكن وهسيبه بدماغه يصيدنى فى الاماكن اللى عايزها واللى يختارها ، فهناقشه واقوله ( ايه يا ريسنا ناوى على ايه ان شاء الله ودماغك فيها ايه واحنا معاك مطرح متودينا وان شاء الله ربنا هيكرمنا احلى كرم على وشك الحلو ده.

🐟٢- متحسسشى الريس انك طالع الرحله عشان تجمع سمك وخلاص وتملى الايسبوكس لان ده هيضايقه وهيوتره ومش هيخليه يفكر كويس يراضيك ازاى . قوله ( اخنا طالعين نتفسح ونغير جو ونصطاد وطبعا عارفين ان ده رزق بتاع ربنا واحناان شاء الله هنجتهد والباقى على ربنا وكفايه اننا هنتمتع بصحبتك اليومين دول ) صدقونى هيعمل كل حاجه عشان يراضيكم.

🐟٣- حاول تاخد رأيه فى كل حاجه وتحسسه انك واثق فيه وفى كلامه وحتى لو انت عارف كل حاجه فحاول تاخد وتدى معاه ، سواء كلام عن الطعم المناسب للمكان سواء طريقه صيد من وجهه نظره وما شابه ، بس انت كده بتحسسه انه مسئول عنك ولازهم هوه هيفيدك صدقنى .

🐟٤- لازم تبقى حريص ان الريس لمت تقفوا وتطرحوا فى مكان انه ينزل خيط معاكم ويجلب رزقه 😬، هتفرق كتير جدا النقطه ده وتقوله ( انزل بهيك ياريس ورينا الدنيا تحت فيها ايه واحنا بنتفائل بخيطك ) ، صدقنى الكلام ده هيفرق معاه

فى الحقيقه مش عايز اطول عليكم فى الموضوع بس اللى عايز ااكد عليه ان تعاملك مع طاقم المركب هيفرق كتير فى راحتك وتمتعك برحلتك والطاقم فى الاول والاخر بشر زيهم زيك بيحسوا كويس باللى بيتعامل معاهم واناكد انهم هيبادلوك نفس الاحساس.

زى ماقولت لحضراتكم الموضوع انا شرحته من واقع خبرتى وتجاربى وطبعا كل واحد وله طريقه تعامله مع الاخرين

خالص تقديرى
محمود الصروى

  • الصيد بالريم

    الصيد بالريم بقلم الاستاذ / Ehab Mahmoud موضوع النهاردة عن صيد الريم ويعتبر افضل طعم للصيد…
  • طريقة صيد سمك الدنيس

    سمك الدنيس يُعدّ سمك الدنيس (Gilt-head bream) من الأسماك متوسطة الحجم وغالباً ما تكون بطول…
  • احذر سمكه سامه تسبب الوفاه !!

    كل شيئ عن سمكة الأرنب (القراض & الفوجو ) القراض سمكه سامه توجد في المناطقِ الساحلية با…
Load More Related Articles
  • الصيد بالريم

    الصيد بالريم بقلم الاستاذ / Ehab Mahmoud موضوع النهاردة عن صيد الريم ويعتبر افضل طعم للصيد…
  • طريقة صيد سمك الدنيس

    سمك الدنيس يُعدّ سمك الدنيس (Gilt-head bream) من الأسماك متوسطة الحجم وغالباً ما تكون بطول…
  • احذر سمكه سامه تسبب الوفاه !!

    كل شيئ عن سمكة الأرنب (القراض & الفوجو ) القراض سمكه سامه توجد في المناطقِ الساحلية با…
Load More By admin
Load More In مياه مالحه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

الصيد بالريم

الصيد بالريم بقلم الاستاذ / Ehab Mahmoud موضوع النهاردة عن صيد الريم ويعتبر افضل طعم للصيد…