Home مياه عزبه الصيد بالريم

الصيد بالريم

3 second read
0
0
1,473

الصيد بالريم

بقلم الاستاذ / Ehab Mahmoud

موضوع النهاردة عن صيد الريم ويعتبر افضل طعم للصيد فى الاوقات دية من السنة عن الطعوم الآخرى وافضل وقت لة فى الصيد على الاطلاق فى الصيف

الريم وهو نوع من الطحالب المائية التى تتواجد فى البيئة الطبيعية للاسماك وهى لا تصلح الا للاسماك التى تتغذى على النباتات ذى البلطى والبنى والمبروكة وهو نبات اخضر ينمو علي جنبات احجار النيل وفي اي مكان يوجد به هدار او منحدر كبير للماء

افضل وقت للصيد بالريم صيف شتاء مش فارقه اسمع منى المهم يكون الجو دافى يعنى تصطاد اول لما الشمس تحمى لحد ماتغيب

وهناك نوعين من الريم هما ( الزفر ) و (الأسواني) أما الزفر بيكون مش مغسول كويس و خشن حبتين ولونه أخضر غامق و فيه دود أحمر رفيع جداً ( الدود مش شرط) أما الأسواني فلونة أخضر زرعي و شعره طويل و نظيف جداً (وده ليه أكله و ده ليه أكله)
****************
طريقة الصيد :
****************
خيط الترميل يفضل ان يكون خفيف يعني 20 او 18
السن 10 او 12 لان السمكه بتبلع فدائماً اختار سن الريم مفتوح والحربه حاميه وطويله وتكون السلكه رفيعه
ولو الدور غويط وما فهوش شر كبر السن حسب حجم السمك

ويتم اخذ خصله من الريم رفيعه طولها 5 سم
وتمسكها من المنتصف

وتضعها على رأس السن من المنتصف من عند الخيط بحيث يكون الطرفين سايبين
وتبدأ تلف النصف الاول على السن بدايه من رأس السن المترمل وتظل تلف حوالي 6 لفات الى ان تصل الى سلاح السن

ثم تبدأ بلف النصف الثاني فى الاتجاة العكسي للف النصف الاول الفله صغيرة ورصاصه توزنها بحيث ما يكونش ظاهر من الفله غير الشفاطة

لو كنت عايز تصتاد بالريم بمعنى إنك لما تكون رايح تصتاد في حتة جديدة بالريم تاخد معاك ورقتين زفر وورقتين أسواني و تحضر الدور بتاعك و تجرب الزفر ساعة و الأسواني ساعة و تشوف اى منهم هيشتغل أكثر
***************
اماكن الصيد :
***************
لازم يكون الدور المية ماشية يعنى مش واقفة
ويفضل في صيد الريم إن يكون الدور بجوار الليخة (نبات الحلفا أو البوص)
***********
طريقه حفظة :
***********
في ورق جرائد مبلل ولازم يكون رطب دائماً ويتم وضعها فى درج الثلاجة قبل الصيد بيوم واحد ليس اكثر
لانها ان لم تكن طازة بتشيط وتسود
واثناء الصيد تكون فى مكان ضل

ملحوظة : دائما اشترى الريمه الفاتحه وتكون صابحه سواء ريمة الترعه او ريمة اسوانى
————–
Ehab Mahmoud
جروب محترفين الصيد في مصر

  • الصيد بالغوص (فيديو)

    قواعد وضوابط الصيد تحت الماء و الغوص الحر صيد الأسماك و الغوص الحر كباقي الرياضات الأخرى ي…
  • موسم صيد القاروص بدايته و نهايته وطرق صيده

    القاروص هو سمك بحري يقترب من السواحل ويدخل المصبات المائية حيث تقل درجة الملوحة القاروص يع…
  • انواع السنار

    ختيار العدة المناسبة لصيد السمك : انواع السنار وكيف يستخدم ولكل سمكه سنارهلاحظت أن كثيرا م…
Load More Related Articles
Load More By admin
Load More In مياه عزبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

دليل معاملتك مع طاقم مركبك اثناء رحلتك

نقلا عن اكادمية go Fishing Acadmy كتير مننا بيطلعوا رحلات صيد فى البحر وبيأجروا مراكب وطبع…