Home مياه مالحه ترتيبات و طرق و وضعيات الاسيست هوك في السلو جيجينج و اسبابها

ترتيبات و طرق و وضعيات الاسيست هوك في السلو جيجينج و اسبابها

0
2
3,774

كاتب المقال/

Ahmed Khadary

مبدئيا الافكار التاليه نتيجه لمتابعه و تفسير عده مصادر واشخاص استخدموها من اليابان و استراليا و دول جنوب شرق اسيا (سنغافوره و ماليزيا و اندونيسيا )

اللى ابتكر فكره السلو جيجينج بالاساس هو Sato Sensei و كان الهدف من التكنيك ده انه يقدر يصطاد عدد اكبر من الاسماك او انه يزود فرص صيده في الاوقات من النهار اللى بتكون فيه السمكة حركتها بطيئة و هجومها على الجيج اقل ولذلك كان لابد انه يعدل كل شيء في المنظومه بطريقه ارق و اسهل في الحركه حتى طريقه الاسيست هوك نفسها و في الوقت نفسه يحافظ على قوه المنظومة الخفيفه دى في حال وقعت معاه سمكه قويه و بالتالى قدر انه يزود فرص صيده اكثر من باقى الصيادين بنسبه 90% سواء كان اليوم مناسب للصيد او لا.

بالنسبه للاسيست هوك الموضوع مهم جدا خصوصا انه اول عنصر بيشتبك مع السمكه وكان لازم الخيوط المستخدمه تكون لينه الحركه بقدر كبير و في نفس الوقت تتحمل قوه شد كبيره و لذلك لجا لاستخدام دبل اسيست هوك double hook و الخيط ال PE نفسه يكون بداخله خيط فلوروكاربون واللى بيكون معروف باسم Fluoro cored PE assist line

ولان السلو جيج بيتتطلب كم كبير من حركه الجيج في اتجاهات مختلفه صعود او سقوط و حتى في الاتجاه الافقى فا كان من الضروره استخدام خيط الفلوروكاربون داخل خيط الاسيست في جهه راس الجيج عشان خيط الاسيست ياخد شكل و هيئه و يتلافى تشابكه مع الليدر الاساسي و في نفسه الوقت يحافظ على ليونته و انسجام حركته مع الجيج و يكون سهل للسمكة انها تبلعه ده بالنسبة للأسماك اللى بتعمد على شفط الطعم زى فصيله الجروبر و غيرها

بالاخير اعتمد على وضع ال Fluoro cored PE assist line ناحيه راس الجيج و ال non-cored PE assist line اللى هوا الخيط ال PE بدون اى خيط داخله ناحيه ديل او نهايه الجيج لان هوكات الديل فرصتها اقل في التشابك مع الليدر و لكن في بعض الاحيان اداء بعض الحركات القويه في السلو جيجينج او ال High Pitch ده بيؤدى لتشابك هوكات الذيل مع الليدر لان الجيج بيكون في وضع افقى و موازى لليدر و ده بيخلى هوكات الذيل تشبك مع الليدر و في الحاله دى ممكن تغير خيط الاسيست الخلفى ل Fluoro cored PE assist line وعموما الافضل في حاله ال High Pitch انك تشيل هوكات الذيل و تعتمد اكتر على هوكات الراس و اللى طولهم بيكون اكبر نسبيا في الحاله دى
و عموما الاسماك بتهاجم الجيج في اتجاه حركته !!!من ناحيه الراس في مرحله الصعود او من ناحيه الذيل في حاله السقوط .

و من بعض المبادىء المهمه في تركيبه الخيوط في منظومه السلو جيج :-

– خيط الاسيست الخفيف الذى لا يتمدد يعطيك سيطره اكبر على حركه الجيج
– حاول استخدام اقل اجزاء معدنيه في منظومه السلو جيج على قد ما تقدر(حلقات معدنيه او مداور و غيره )
– استخدم اصغر و اقوى الربطات
– في حاله ان الجيج له وجهين واحد منحنى(مكرش ) و الاخر مفرود فا سباحه الجيج بتكون افضل و اكثر واقعيه في – الحاله اللى الاسيست هوك بيكون على الجانب المفرود من الجيج.

اما فكره الهوكات الثنائيه ظهرت من الافكار السابقه و بالاخص شكل الهوكات الثنائى اللى متقابلين من جهه السن لانها بتغطي اكتر مساحه سترايك نتيجه لتارجحها مع الجيج و عشان واحد منهم يشبك داخل فم السمكه و الاخر من الخارج من الجهه المعاكسه بعد الاشتباك و بدايه الفايت و كذلك هوكات الذيل اللى بتبتدى تتعلق في اى جزء من جسم السمكه نتيجه حركتها و مقاومتها و بالتالى انت بتحمل السمكه على اربع خيوط و بكده بتقل و تكاد تنعدم فرصه هروبها و لكن الجانب السيء في الموضوع ان في احيان كتير السمكه بتصاب بجروح عميقه و بيبقى صعب ترجعها تانى للمياه لو حجمها صغير.

في بعض الصيادين المحترفين في دول جنوب شرق اسيا توصلوا لان الافضل هوا هوكات الذيل الطويله و اللى بتكون اطول من هوكات الراس(مثال في الصور المرفقه) و ده لعدد من الاسباب:-

1- هوكات الذيل الطويله بتدى الجيج توازن اثناء سباحته
2- طول خيط الاسيست بيدي الهوك مساحه اكبر و حريه للحركه و ده معناه زياده فرص الصيد بنسبه اكبر
3- اسماك القاع بتعتمد في هجومها على الجيج على طريقه الشفط و ليس العض و طبعا وزن الجيج اكبر من وزن الهوك بالتالى اول حاجه بتسحبها هيا الهوك و لو حجمها صغير نسبيا فا بتسحب الهوك و ليس الجيج نظرا لوزنه بكده بتضمن انك وقت مابتحس بالضربه فعاده بيكون الهوك في فم السمكه
4- وزن الجيج اكبر بكتير من وزن الهوك فا اول شئ بيلمس القاع هوا الجيج و نظرا لطول خيط الاسيست بيفضل متعلق قبل ما يوصل للقاع و بيديك فرصه تشبك الماكينه و تبتدى الرفع قبل التعليق في اى صخور في القاع و بتقل نسبه انك تشبك في القاع الى تقريبا 0%
5- اللى بيقابل مشكله في تعلق خيط الاسيست الخلفى مع الليدر فالسبب الرئيسي هوا استخدامه ضربات قويه في السلو جيجينج و ده بيرجع لعده عوامل منها ان اكشن لقصبه بيكون سريع او ان الجيج وزنه خفيف
6- طبعا ممكن تحط خيوط اسيست قصيره في نهايتين الجيج مش غلط بس فرصك في الصيد و التعلق في القاع مش هتكون مماثله للطريقه المذكوره !!

من الاشياء الضروريه عمل الاسيست هوك بنفسك لعدد م الاسباب من اهمها اختلاف اطوال الجيجات فدائما انت بتكون متحكم في الطول المناسب للاسيست لاين كذلك بتكون واثق من الهوكات اكتر اثناء الصيد و في نفس الوقت التكلفه اقل والموضوع بسيط مجتاج ادوات معينه و هي :-

1- Fluoro Cored PE Assist Line
2- Bobbin Tool
3-Eyeless Jig Hooks
4- Fishing Vise
5- Sloid Ring

في الصور من 1 الى 16 افضل طريقه لعمل اسيست هوك للسلو جيجينج بالترتيب

و فى اللينك طريقه اخرى

https://www.youtube.com/watch?v=OdKK1XcL2k0
بالتوفيق و تحياتى للجميع

Load More Related Articles
Load More By admin
Load More In مياه مالحه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

كل ماتريد معرفته عن قصبات الصيد (Fishing Rod)

كل ماتريد معرفته عن قصبات الصيد (Fishing Rod):  قصبة الصيد التي نستعملها ويسميها البعض الع…