Home مياه عزبه Ball Bearing

Ball Bearing

0
0
366

كاتب المقال/

Ahmed Khadary

موضوع النهارده شيق جدا و اخد وقت كبير جدا من البحث و تجميع المعلومات
ال Ball Bearing

– ظهور الفكره !!
ال Ball Bearing معناها بكل بساطه هو كرات التحميل !! و هيا مجوده فى اغلب التطبيقات الموجوده فى حياتنا اليوميه اللى بتعتمد على الدوران او احتكاك عنصرين ببعض عن طريق الدوران زى الاسكوتر كمثال و مهمتها هي تقليل الاحتكاك بين الاسطح الدواره عن طريق توفير كرات او بكرات تحميل فاصله بين الاسطح لتوفير سلاسه فى الدوران
الفكره نفسها بتعتمد على تقليل مساحه الاسطح المتقابله اللى بيحصل بينها احتكاك فى الدوران الى اقل مساحه ممكنه ( نقطتين ) و هما بدايه و نهايه الكره او البكره الفاصله بين السطحين مع الحفاظ على سلاسه الحركه و بالطريقه دى بيقل الاحتكاك الناتج عن الدوران و بالتالى امكانيه زياده سرعه الدوران مع ثبات محور الدوران نفسه

اول ظهور للتطبيق كان فى سنه 1794 عن طريق Philip Vaughan و اللى اخد برائه اختراع و كانت فكرته ازاى ممكن وضع كرات حديد بين العجله و محور النقل للسماح لمحور النقل للدوران بحريه عن طريق الحد من الاحتكاك
لكن اصل الفكره موجوده من قبل كده بكتير كمثال طرق نقل الاحجار الثقيله زمان عن طريق دحرجتها على اسطوانات خشب او عروق من الاشجار !!!
طبعا بدون اختراع ال Ball Bearing كان هينعدم مفهوم السلاسه فى الدوران فى مختلف التطبيقات في حياتنا اليوميه حتى الصيد كان هيبقى عمليه شاقه جدا!!!

– ايه فايده ال Ball Bearing فى ماكينات الصيد ؟؟!
بكل بساطه و اختصار وظيفتها تقليل الاحتكاك الناتج عن دوران الاجزاء الداخليه مع بعضها البعض و بالتالى تساعد الماكينه انها تلف بسهوله حتى تحت الضغط او الحمل الناتج عن الدراج والسحب
مثلا لو عندك ماكينتين متطابقين فى كل المواصفات ماعدا ان واحده 2 ball bearing والتانيه 5 ball bearing فا لو لفيت دراع الماكينتين فى نفس الوقت بنفس القوه و سبته فى نفس التوقيت فمن المفترض ان ال5 ball bearing تستمر فى الدوان لمده اطول من ال 2 Ball Bearing طبعا نتيجه لان كميه الاحتكاك المتولده فى الماكينه الاخيره و الحراره الناتجه عنها ادت الى توقفها قبل الماكينه ال 5 Ball Bearing و كذلك الماكينه ال5 Ball Bearing هيكون دورانها انعم و اسلس تحت نفس قوه الدراج

– مكونات و تركيب و شكل ال Ball Bearing ؟؟!! مثال فى الصور المرفقه
هنتكلم عن تركيب ال Ball Bearing المستخدمه فى ماكينات الصيد بالاخص و هيا بكل بساطه بتتكون من اطار خارجي Outer Raceو اطار داخلى Inner Race و اللى غالبا بيكونوا مصنوعين من الاستانليس ستيل المعالج و المقاوم للحراره و الصدا و يوجد بين الاطارين كرات بتكون محبوسه فى مجرى او قفص Cage لضمان عدم تحركها في اتجاه مضاد او معاكس لاتجاه الدوران و النوع الاغلب المستخدم فى ماكينات الصيد بيكون من معدن خفيف مفرود و بيحتوى الكرات بداخله
احيانا المسافه الفاصله بين الاطارين الداخلى و الخارجي و اللى بينهم الكرات بتكون مغطاه بدرع او Shield لضمان عدم دخول اى اتربه او رمال و مياه الى المجري الداخلى للكرات و كمان للحفاظ على ماده التشحيم الداخليه اللى بتساعد الكرات على الدوران بسلاسه اكبر و ماده التشحيم دى عاده بتكون زيوت خفيفه القوام
احيانا بعض ال ball Bearing الدرع الخارجى الامامي و الخلفي بيكون مثبت و ده بيخلى عمليه التنظيف اصعب و بعض ال ball Bearing بيكون فيها درع Shield الحمايه من جهه واحده و ده بيكون مثالى للحمايه و الصيانه فى نفس الوقت و فى انواع اخرى فيها امكانيه ازاله الدرع و اعاده تركيبه بعد التنظيف و التشحيم والحالات دى بتكون مخصصه لل Ball Bearing اللى بتستخدم مواد تشحيم ثقيله القوام لامكانيه تنظيفها بسهوله
من الطبيعي ان يكون فى عدد من العوامل بياثر على اداء المكونات دى بشكل عام
طبعا الحجم و الفينش النهائي للكرات بيلعب دور مهم فى ال Ball Bearing لان كل لما يكون سطح الكرات مستوى و ناعم و متوازن بدقه كل ما اتصالها بالاطار الخارجى و الداخلى هيكون ثابت و دورانها هيكون افضل و بالتالى الاحتكاك والاهتزاز هيقل و فى نقطه تانيه مهمه طبعا مقاس قطر الاطار الاخارجي لل Ball Bearing غير مقاس القطر الداخلى و ده هيتسبب فى ان سرعه دورانهم مش هتبقى واحده و بالتالى دى بيؤدى لان الكرات بتنزلق جزئيا على الاطارات الداخليه و الخارجيه فى وقت الدوران و لذلك الكرات اللى شكلها النهائى متناسق و مستوى و الفنيش بتاعها ناعم و مستخدم فيها مواد تشحيم جيده هتنزلق بصوره افضل بكتير وقت الدوران و هتولد احتكاك و حراره و اهتزازات اقل ولذلك تلاحظ فى مكاين الكاست اللى بتستخدم كواليتي عاليه ان ادائها بيفرق كتير عن غيرها من الاقل كواليتى و منها تقدر تستنتج ليه فى مكاين عدد ال فيها قليل و سعرها غالى مقارنه بمكائن اخرى بتستخدم عدد اكبر يمكن يوصل للضعف !!!
كل لما يقل وزن الكرات و الاطارات الداخلى و الخارجى و القفص الداخلى و الدرع كل لما سهوله الدوران و اداء ال Ball Bearing الخاصه بحله الماكينه بيزيد وطبعا فى شركات لجات لطريقتين ممكن وزن ال Ball Bearing يقل بيهم
اول طريقه هوا تقليل وزن الكرات المستخدمه لانها غالبا بتشكل من 50 الى 70 فى المائه من وزن ال Ball Bearing
ثانى طريقه هوا تقليل وزن ال Ball Bearing كله و ده مش هيتم الا اذاحجمه قل و طبعا الطريقه دى بتؤدى الى تقليل حجم العمود الرئيسي للماكينه و للاسف الطريقه دى لها ضرر جانبي و هيا انها بتزود احتماليه فقدان الدراج لقوته

– ليه الكرات المصنوعه من السيراميك واللى اسمها CERAMIC HYBIRD BALL BEARING هيا الافضل فى ماكينات الصيد ؟؟؟!!
ماده السيراميك بطبيعتها وزنها اقل من الحديد او الستنلس ستيل بحوالى 30 فى المائه و الاسطح بتاعتها اقوى من الحديد لو كانت فى شكل كرات و كذلك السيرامك مش بيتعرض للصداء مع مرور الوقت و تعرضه للمياه المالحه و اللى بيخليه يشتغل مده اطول بدون الحاجه الى صيانه بعكس الكرات الستانلس ستيل
ده طبعا غير ان الحراره الناتجه من احتكاك كرات السيراميك بالاطار الداخلى و الخارجي لل BALL BEARING تكاد تكون لاتذكر مقارنه بكرات الاستانلس ستيل و احتياجها للتشحيم اقل !!!! لكن الجانب السئ فى الموضوع ان سعرها غالى جدااا

– تصنيف ال ABEC
طبعا اى صناعه جانبيه بتدخل كعامل مهم فى تصنيع اجهزه او معدات اخرى معرضه بشكل كبير للتلاعب وفى الحاله اللى بنتكلم فيها مش هتحس بالكواليتي فى مرحله ما بعد الشراء مباشره و لكن مع الاستعمال و بعد فتره هتبتدي تظهر عيبوب المنتج لو دخل فى تصنيعه تطبيقات رديئه التصنيع
فكان لابد من اجراء اختبارات عالميه لضمان الجوده من اهمها اخبارات سرعه الدورات و الحراره و الاهتزار و نعومه الاسطح و تاثرها بمواد التشحيم و غيرها من المواد الكيميائيه
عشان كده لجاؤا لمنظمات عالميه لتقييم ال Ball Bearing و هما
– Annular Bearing Engineering Committee or Council (ABEC) is a US organization.
– The International Standards Organization (ISO) is an international organization.
– National Standards Organization (DIN) is a German organization.

من اهمهم و اشهرهم هيا ال ABEC وفى الصور المرفقه توضيح لكل تصنيف و ما يعادله فى المنظمات الاخرى من الاقل للاعلى جوده
بالمناسبه ABEC 9 bearings تم تطويرها لتناسب التطبيقات المستخدمه لشركه ناسا و وزاره الدفاع الامريكيه وده اعلى تصنيف وطبعا لك ان تتخيل سعرها !!

– تصنيفات ال Ball Bearing فى مجال ماكينات الصيد و تفسير للمصطلحات

– CRBB Bearing (Corrosion Resistant Ball Bearing)
ودى معالجه خصيصا بواسطه شركه دايوا و عليها حمايه من الجانبين و شركه دايوا مصنفاها انها عمرها اطول من ال Ball Bearing العاديه بحوالى 12 مره و خصوصا فى تطبيقات المياه المالحه
– HPCR Bearing (High Performance Corrosion Resistant)
ودى بتستخدمها شركه ابو جارسيا و استخدم فيها نوع من الاستنليس ستيل مقاومه للصدا بدرجه اكبر و عليها حمايه من الجانبين و بتتحمل ظروف اقصى و ادائها و سرعتها اعلى بدون مواد تشحيم !!

– A-RB
مصنعه من الاستانلس ستيل بدون حمايه من الجانبين Shield و تمت معالجه الكرات بطريقه خاصه تخليها تتحمل الاحتكاك و الدوران افضل 10 مرات من كرات الستانلس ستيل العاديه و بتتطلب نسبه تشحيم اقل بمواد خفيفه القوام

– كام Ball Bearing انا محتاجها فى ماكينه الصيد ؟؟!
فى كذا معادله من خلالها تقدر تفهم انتا محتاج ايه و هما
عدد اكتر = لا تعنى ماكينه افضل عامه !!
عدد اكتر = ماكينه اغلى فى السعر !! لانك اكيد هتدفع تمن ال Ball Bearing الزياده اللى الشركه المصنعه ركبتها فى الماكينه !!
عدد اكتر = ماكينه انعم و سلسه فى الاداء !! بس مش دايما الكثره بتخلى الماكينه افضل لان الموضوع بيعتمد على الكواليتى بتاع ال Ball Bearing اللى الشركه المصنعه للماكينه بتستخدمها زي ما ذكرنا سابقا . كذلك افضل المكاين ادائها هيقل لو ما تمش الاعتناء بيها و صيانتها دوريا
Quality is a lot Better Than Quantity!!
نصيحه لو مش بتصطاد كتير او اسماك حجمها كبير نسبيها واللى بتتطلب منك تحميل على الدراج و الماكينه و ظغط عليها فا ماكينه من 2-3 Ball Bearing هيكون ادائها ممتاز و هتقضي الغرض
اما لو دايما بتصطاد مرتين او اكتر فى الاسبوع و بتحمل عالماكينه دراج من اسماك حجمها كبير نسبيا فا ماكينه 5 Ball Bearing او اكتر هتكون ممتازه و هتتحمل وقت كبير قبل ما تحس انها تحتاج لصيانه
بالنهايه سامحونا على الاطاله و بالتوفيق

Load More Related Articles
Load More By admin
  • كل ماتريد معرفته عن قصبات الصيد (Fishing Rod)

    كل ماتريد معرفته عن قصبات الصيد (Fishing Rod):  قصبة الصيد التي نستعملها ويسميها البعض الع…
  • دليل الصيد فى بحيرة ناصر

    كاتب المقاله /Salah Ortiga الصيد في بحيرة ناصر :- فهي أكبر بحيرة صناعية في العالم، تقع في …
  • الصيد بالريم

    ♥♥ صيد الريم♥♥ ♥ نستخدم في صيد الريم عدة صيد تختلف بعض الشئ عن الصيد بالطعوم الأخرى. ■● بم…
Load More In مياه عزبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

كل ماتريد معرفته عن قصبات الصيد (Fishing Rod)

كل ماتريد معرفته عن قصبات الصيد (Fishing Rod):  قصبة الصيد التي نستعملها ويسميها البعض الع…