Home مياه عزبه كاستينج دليل الصيد فى بحيرة ناصر

دليل الصيد فى بحيرة ناصر

0
0
199

كاتب المقاله /Salah Ortiga

الصيد في بحيرة ناصر :-
فهي أكبر بحيرة صناعية في العالم، تقع في جنوب مصر جنوب مدينة أسوان، وشمال السودان. واسم بحيرة ناصر يطلق علي الجزء الأكبر الذي يقع داخل حدود مصر ويمثل 83% من المساحة الكلية للبحيرة أما الجزء المتبقي الواقع داخل حدود السودان فيطلق عليه اسم بحيرة النوبة.
تكونت نتيجة المياه المتجمعة خلف السد العالي بعد إنشائه (الذي استمر من عام 1958 إلى عام 1970)، وأطلق عليها بحيرة ناصر نسبة إلى الرئيس الراحل جمال عبد الناصر.
لها عدة أسماء منها ..بحيرة النوبه….بحيرة السد العالى….بحيرة ناصر
هى أحد كنوز مصر المهدرة….إنتاجها الحالى 22371 طن و هو إنتاج متواضع جدا بالنسبة لحجمها و مساحتها…..فهى أكبر بحيرة صناعية فى العالم…. طولها داخل الأراضى المصرية 350 كيلو و أقصى عمق حوالى 180 متر و متوسط عرضها 18 كيلو متر
وللعلم سمك البحيرة خالى من أى ملوثات و يباع بأسعار عالية جدا فى جميع دول العالم
….البحيرة تذخر بثروات أخرى مثل الخامات الطبيعية المختلفة و أعداد هائلة من التماسيح و السياحة الرائعة
الاسماك المستهدفه :-

قشر البياض _ كلب الملوحه او التيجر فيش

انواع الصيد في البحيره :-

(كاستنج -جر – حداف – ترقيد – لايت جيجنج )

1- الكاستنج :وده بيستخدم فيه تقنيه الكاستنج المعروفه وده بيكون اما من مركب او من شواطئ الجزر والاخوار ام بالنسبه للعدد المستخدمه فده بيستخدم فيه بوص لايقل طوله عن 240 سم والمكن لايقل عن مقاس 4000 اما بالنسبه للخيوط فيفضل استخدام البريد كخيط اساسي ويوضع له وش يفضل يكون فلورو كاربون اما ان لم يتوافر الخيط البريد فممكن استبداله بخيط مينو عادي لا يقل عن 70mm كخيط اساسي ويوضع ايضا وش ويفضل ان يكون مقاس اقل من الخيط الاساسي وفائدة الوش هنا انه في حالة التوعير يتم قطع الخيط الاضعف حتى لا يتضرر الخيط الاساسي على المكنه ويستخدم فيه كطعوم الرابيلات او الجيلي فيش او المعالق او المراوح وممكن الطعم الحي ايضا وافضل توقيت له من شهر 5 حتى شهر 10 .

2- الجر : وتستخدم فيه تقنية الجر العاديه وعدد الجر المعروفه ولا تصلح فيه عدد الايت ترولينج او الجر الخفيفة لان الاسماك اللي بتضرب عليه بتكون كبيره تصل الي 100كجم وافضل انواع الرابيلات المستخدمه السوبر شاد رابيلا وهرفق مجموعة صور لافضل الالوان المستخدمه وافضل توقيت له هو من شهر 11 الى شهر 3 .

3- الحداف :وده بيستخدم فيه اللنسه ( وهي عباره عن بكرة خيط كبيره لايقل ثمك الخيط فيها عن 70mm ) وبيتم وضع رصاصه بعد السن بحوالي 70 سم وبتفلت خيط جنبك وبتحدف وبتبتدي تلم وبطريقه سريعه على ايدك وبيستخدم فيها الطعوم الحيه وبتكون على شواطئ الجزر او الاخوار وممكن مركب واغلب صيادين اسوان يفضلون تللك الطريقه  .

4-الترقيد : وده تكنيك بنلجأله في الليل لاكبر استفاده من وقت الرحله حيث اننا اغلب اليوم بنصطاد كاستنج وبنيجي بالليل بنفصل وعشان نستغل فتره الليل بنستخدم الترقيد وهو عباره عن استخدام لنسه بسن فقط من غير تقال وبنحط فيها طعم حي سواء ( شر بلطي وده بنجيبه من الاخوار الضحله بأستخدام دود او عيش او شبك – قرموط صغير -جلمان ان وجد – وابو رياله صغير ) ونحدف لاقصى مسافه وبنسيب بوش او بنفلت شوية خيط وبنربط الحداف او اللنسه فشجره قريبه او حجر عشان متخدهوش السمكه ان ضربت معاك ولما بنصحى تاني يوم نلف على اللنسات او الحدافات ممكن تكون صايده وممكن لا ده رزق فيه ناس بترقد اكتر من حداف عشان تزود فرصها في الصيد وتوقيته بكون خلال الرحلات ملوش موسم محدد .

5-اللايت جيجنج : ودي تقنيه بيستخدم فيها الجيلي فيش او البيباي وبتكون انك بتسقط الجيلي فيش تحتك سواء من مركب او صخره تحتها مياه عميقه وبتبتدي تضرب لفوق مرتين بصوره خفيفه وتلم شويه وهكذا ودي برضه ملهاش وقت محدد بتكون خلال الرحلات .

اساليب الرحلات :-
-اما من مركب كبيره ودي بتبقى مكلفه الى حد ما ممكن يوصل ايجارها ل 1000 جنيه في اليوم كما انها بيصعب عليها دخول بعض الاماكن لضحالتها ولكنها بتكون مجهزه بحمام ومطبخ كبير وسراير ولكن من تجربتي الشخصيه كأفضل استفاده في الصيد المراكب الصغيره .

-او عن طريق المراكب الصغيره ودي اسعارها بتكون حنينه شويه ممكن تبقى من 500الى 700 في اليوم ودي بتقدر تتنقل بسهوله بين الاخوار بس مشكلتها لبعض الافراد ان مفهاش حمام والتعامل بيبقى كأنك فرحلة سفاري بمعنى انك بتستخدم الحمام في الجزر او على البر وبيكون فيها بوتجاز ومطبخ صغير وانا عن نفسي بستخدم المراكب دي

المعدات والاحتياطات الواجب اتخاذها اثناء الرحله :-

يفضل استخدام الملابس القطنيه بكم والطاقيه وماسك ان وجد لان الشمس سخنه عشان لو مش عايز تسمر  ، وبالنسبه للحذاء اعزكم الله يفضل بوت او كتشي او كزلك لان بمجرد ما الشمس بتغيب بتنتشر العقارب على البر فده للحمايه وكمان عشان الحجاره وفيها ارض وعره شويه .
وبالنسبه للمعدات الاضافيه فيفضل انك تجيب مجموعة حبال طول مترين حبال غسيل عاديه ودي استخدامها لتعييش السمك اطول وقت ممكن بمعنى انك الرحله بتكون يومين مثلا او 3 ايام فممكن تصطاد سمكه اول يوم الصبح بيبقى فيه تلاجه بس عشان تحافط على طزاجة السمكه بتربطها من بقها بالحبل وبتنزلها الميه تاني وده بيساعد ان السمكه تفضل عايشه اطول وقت ممكن ولما بتدوخ او تموت بتطلعها وتحطها في التلاجه فبتحافط عليها اطول وقت ممكن طازه .

بالنسبه للتحركات ونوع الرحلات في البحيره :-
يوجد نوعين من الرحلات :
1- رحلات بريه : ودي بتكون بالعربيه والاماكن المقصورده بتكون تكلفتها اوفر ان رحتها بالعربيه زي وادي السبوعه وعمدا والمالكي ووادي العرب وتوشكى .

2- رحلات باللنش : ودي بتروح الاخوار ابتداء من بوز سالم حتى باب كلابشه ورحمه وغزال

التنسيق :-
عند تنسيق رحله لبحيرة ناصر يفضل لا يقل او يزيد العدد عن 10 افراد لتقليل التكلفه وللامان على المركب وللراحه

التنقلات والتكلفه :-
بالنسبه للي من خارج اسوان بيستقل قطار او اتوبيس او سياره خاصه للوصول لاسوان وبيحسب تكلفتها حسب قدرته الماديه ونوع المواصله التحرك غالبا بيكون بالليل بعد الساعه 1 صباحا عشان كده يفضل انك تركب القطر الصبح
بنتجمع على المحطه وبيجي ميكروباص بنرص عليه العده وبنظبط الاكل مع بعض او كل واحد لوحده حسب الرغبه وبنشتريه من اسوان الميكروباص بياخدنا من المحطه للمينا وبيرجع بعد الرحله ياخدنا يرجعنا المحطه تاني وبياخد من 100 الى 130 جنيه وبنشتري تلج يكفينا خلال الرحله بنحمله على الميكروباص وبنزله في المركب وسعر لوح التلج في الغالب 6 جنيه وبنوصل المركب بيتحرك بينا على اذان الفجر لحد ما نوصل للاخوار المقصوده وننزل من المركب وبنبتدي نكاست من الشاطئ وكل ما ربنا يكرم بسمك ويتقل عليك بترجع اللنش تفضيه وتنزل تاني لحد معاد الغدا ان كان الاكل مجمع وتكلفة اللنش في اليوم حوالي من 500 الى 700 في اليوم حسب المركب بيتم حساب كل الحجات اللي اتجابت وتكلفه العربيه والمركب وبتتقسم على العدد وفي الغالب الرحله ال 3 ايام مبتتعداش ال 400 ج وممكن اقل .
ملحوظه :-
افضل الطعوم للتيجر فيش هي : ( الطعم الحي – المعالق -المراوح – عين كلب السمك او التيجر فيش وده من افضل الطعوم على الاطلاق للتيجر فيش وده بتطلعه عن طريق ادخال صباعك من الخياشيم وحذاري تحط صباعك فبه مش هتلاقي صباعك  اسنانه حاده جدا وتضغط على العين لحد ما تطلعها بالمقله وخلى بالك بحذر حتى لا تفقعها وتدخلها في السن من جلده المقله برضه بحذر عشان متصفيهاش وادعيلي 

اما بالنسبه لقشر البياض: ( فالرابيلات والجيلي فيش والطعم الحي )

وبالنسبه للعده يفضل يكون معاك اكتر من بوصه ومكنه وخيوط ورابيلات وجيلي فيش احتياطي تحسبا لاي ظرف ، وان كنت هتستخدم الجيلي فيش خلى بالك لان سمكه الفهقه النيليه شبه القراض بتاع الماح مهلكة جيلي فيش بتقطمها وتبوظها عشان كده ان شفتها جايه ورا الجيلي فيش لم بسرعه عشان متلحقهاش 


  • Ball Bearing

    كاتب المقال/ Ahmed Khadary موضوع النهارده شيق جدا و اخد وقت كبير جدا من البحث و تجميع المع…
  • ظاهرة المد والجزر

    نقلا عن / Mohamed Samy معلومه مهم تكون موجوده عند الصيادين اللي المفترض انها عامل مساعد لا…
  • شروط عدة الكاستينج

    نقلا عن / Radwan Elborhamy‎ بسم الله الرحمن الرحيم . ان شاء الله البوست دة حنتكلم فيه عن ا…
Load More Related Articles
  • Ball Bearing

    كاتب المقال/ Ahmed Khadary موضوع النهارده شيق جدا و اخد وقت كبير جدا من البحث و تجميع المع…
  • ظاهرة المد والجزر

    نقلا عن / Mohamed Samy معلومه مهم تكون موجوده عند الصيادين اللي المفترض انها عامل مساعد لا…
  • شروط عدة الكاستينج

    نقلا عن / Radwan Elborhamy‎ بسم الله الرحمن الرحيم . ان شاء الله البوست دة حنتكلم فيه عن ا…
Load More By admin
  • سمكة المياس

    بسم الله الرحمن الرحيم صيد سمكة المياس للكاتب Mohamed Waheed المياس سمكة قوية جداً واللي ي…
  • الميكرو و اللايت جيج من البدايه للنهايه

    الميكرو و اللايت جيج من البدايه للنهايه:- كاتب الموضوع / ‎Ahmed Khadary‎  -موضوع شيق جدا و…
  • كاستينج المياه العذبه

    السلام عليكم نقلا عن / Abdou Anssary Shahpo للمهتمين بالكاستنج فى المياة العاذبة كنت حابب …
Load More In كاستينج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

Ball Bearing

كاتب المقال/ Ahmed Khadary موضوع النهارده شيق جدا و اخد وقت كبير جدا من البحث و تجميع المع…